Вечната дилема. Дали бојлерот троши повеќе струја кога е постојано вклучен или кога се вклучува по потреба?

Често се прашувате кога и колку време да го вклучите бојлерот и притоа да заштедите што е можно повеќе. Како да заштедите повеќе: ако бојлерот е вклучен 24 часа или ако го вклучите само за време на евтина тарифа?

Покрај заштедата, тука е и прашањето за времетраењето на „животот“ на бојлерот, но на крајот сето тоа нè води до истиот исход, а тоа е потенок паричник.

Интернет форумите се полни со совети, некои од нив ги даваат мајстори, па затоа ги споделуваме нивните препораки.

Доколку во домаќинството живее самец или само брачен пар, најдобро е да го вклучите бојлерот по потреба, додека струјата е евтина. Ако се работи за повеќечлено семејство, ќе заштедите повеќе ако бојлерот е постојано вклучен.

Исто така, зависи од тоа дали водата од бојлерот се користи само за туширање или и за кујна, па ако целата топла вода во куќата доаѓа од истиот апарат, најдобро е постојано да биде вклучен.

Што се однесува до температурата, овде важи правилото дека златната средина е најдобрата опција, па затоа треба да биде на температура од околу 55 степени Целзиусови.

Моментот кога бојлерот секогаш треба да биде исклучен е кога се бањате.

„Повеќето од нас никогаш не размислувале дали капењето со вклучен бојлер е безбедно, додека некој не се повреди. Дали може да дојде до струен удар од бојлерот? Редовниот сервис на бојлерот обезбедува да не се случи тоа“, велат упатените.