Машки клуб Светот на мажите
Вилијам Болдвин ќе глуми во втората сезона на серијата „Јужен ветер“, а преговорите со Моника Белучи се во тек, откри режисерот Милош Аврамовиќ.
“Исклучително ми е драго што Вилијам Болдвин и Мајкл Медсен ќе бидат дел од серијата “Јужен ветер”. Ова е прв пат по многу години толку големи и признати холивудски ѕвезди да учествуваат во некој српски проект. Работата со нив е прва чекор кон иднина, ќе биде сосема нормално светските ѕвезди да се појавуваат во нашите серии и филмови“, изјави Аврамовиќ за српските медиуми.
Тој додаде дека двајцата веќе потпишале договори, а Моника Белучи најверојатно тоа ќе го направи наскоро.
“Многу преговараме со Моника и би било одлично таа да биде дел од тимот. Има многу фактори кои ќе треба да се усогласат, како датумот на нашето снимање и нејзините обврски. Планирано е таа да има неколку денови на снимање во Италија и неколку во Србија“, додаде тој.
Тој откри дека Болдвин и Медсен ќе глумат американски агенти.
„Во серијата тие ќе ги штитат интересите на американската администрација, не само во Србија, туку и на Балканот. Планирано е да дојдат во Србија на пролет или почетокот на летото и постојано да снимаат овде, најмногу во Белград. Вилијам и Мајкл се добри пријатели приватно, тие се фантастични и за мене е голема чест што сум дел од нашиот тим“, заклучи Аврамовиќ.
