Ѓоковиќ поразен од Зверев во финалето на Мастерсот во Лондон

Германскиот тенисер со руско потекло Александер Зверев го порази Новак Ѓоковиќ во финалето на ATP Мастерсот во Лондон со 2:0 во сетови.

Зверев по 1 час и 20 минути игра славеше во О2 арената со резултат 6:4 и 6:3, и со тоа го запиша својот најголем успех во кариерата.

Воедно стана и најмладиот тенисер кој го освоил Мастерсот, а приматот му го зема токму на Ѓоковиќ, кој го има од 2008 година.

До титулата Зверев дојде со победата против Федерер во полуфиналето и Ѓоковиќ во финалето. И во двата натпревари нема изгубено сет.

По изгубениот овогодишен Мастерс, Ѓоковиќ останува со своите 5 добиени Мастерси, и има еден помалку од Федерер.