Машки клуб Светот на мажите
Дали знаете каква е всушност улогата на магнезиумот во нашите животи? Тој е важен за многу процеси во телото, вклучувајќи регулација на мускулните и нервните функции, регулирање на нивото на шеќер во крвта, регулирање на крвниот притисок, но и за градење мускули, коски и ДНК. Со оглед на неговата важност, недостатокот на овој минерал се манифестира преку депресија, грчеви во мускулите, аритмија, лошо варење, а долгорочно може да доведе до посложени болести.
Потребите зависат од возраста и полот, а кога се во прашање возрасните, на жените им се потребни 310 до 320 милиграми магнезиум дневно, а таа бројка се зголемува доколку жените се бремени, додека препорачаната дневна доза на магнезиум за мажи е до 400 милиграми.
Храната како темно чоколадо, авокадо, лиснат зеленчук, јаткасти плодови, семки, банани, содржи многу магнезиум, а доколку ги немате овие продукти, можете да направите напиток кој ќе го компензира магнезиумот во организмот.
За оваа напивка ќе ви требаат следниве 4 состојки:
25 гр семки од тиква
200 мл бадемово млеко
2 супени лажици ленено семе
еден портокал
Подготовка:
Во блендер ставете ги семките од тиква и лен и додадете го сечканиот портокал. Потоа додадете го бадемовото млеко и изматете околу 30 секунди. Добиениот напиток нека отстои неколку минути. Експертите советуваат овој напиток да го консумирате наутро, за да имате доволно енергија во текот на денот и да бидете добро расположени.
