Хенеси го претстави пикапот Mammoth со 1.000 КС

Американската компанија Hennessey го претстави своето најголемо возило досега, а тоа е пикап со шест тркала кој развива 1.000 КС.

Станува збор за модел Hennessey Mammoth 1000 6×6, кој е базиран на TRX Frame. Долг е 7.190 mm, висок 2.133 mm и широк 2.235 mm.

Огромниот пикап е придвижуван од моќниот 6,2-литарски Hellcat V8 мотор со суперполнење, чија моќност е зголемена на 1.000 КС, или повеќе од 300 КС во споредба со стандардниот модел. Исто така, вртежниот момент е зголемен на 1.314 Nm.

Mammoth доби поцврсти браници и LED светла.

„Сè на Mammoth 6×6 е поголемо и поимпресивно, а сепак е многу брз додека е исклучително моќен на терени надвор од патот. Тоа е кралот на патиштата“, рече основачот и извршен директор на компанијата Џон Хенеси.

Цената на Hennessey Mammoth 1000 6×6 се движи од 449.950 долари па нагоре и го вклучува донаторот Ram TRX, а годишно ќе се произведуваат само 12 автомобили.

Mammoth е третиот и најмоќен пикап модел на Hennessey со шест тркала, кој пристигнува по VelociRaptor 6×6 базиран на Ford Ranger со 600 КС и Goliath 6×6 Silverado базиран на Chevrolet Silverado кој испорачува 800 КС.

Претходна Red Hot Chili Peppers – Black Summer
Следна Иако е во негова корист, Ѓоковиќ се противи на одлуката на Вимблдон да ги протера Русите и Белорусите

Награден напис

Совети како да поминете интересно и корисно време на интернет

Интернетот е најголемиот и најбрзиот извор на информации што ни е достапен во секое време …

Поврзаност на користење канабис и шизофренија

Се проценува дека 200 милиони луѓе ширум светот користат канабис. Покрај алкохолот и тутунот, тој …

Забрането е копирање на текст!