Фудбалерот на Атлетико предизвика скандал во Мадрид

Фудбалерите на Атлетико повторно не ја започнаа сезоната на идеален начин, откако синоќа на својот стадион Метрополитано загубија од Виљареал со 0:2, а по натпреварот дојде до скандал.

Атлетико го заврши натпреварот со играч помалку, а нервозни беа навивачите кои останаа на стадионот по натпреварот.

Следеа жестоки критики кон фудбалерите на мадридскиот клуб, а не можеше да се воздржи ниту шпанскиот стопер Марио Ермосо.

Тој дури почна и физички да се справува со навивачите прескокнувајќи ја оградата која го дели теренот и трибините.
Беше подготвен да ги удри провокаторите, но членовите на стручниот штаб и редарите некако успеаја да го смират.

Atletico Madrid not a happy camp after their LaLiga defeat to Villarreal.

Fans venting their frustration and defender Mario Hermoso trying to jump into the stands to confront them 😳https://t.co/Rw888J7nrs

— Sacha Pisani (@Sachk0) August 21, 2022

Тие го привеле и го вратиле на теренот, додека на стадионот набрзо се појавила полиција и ги спровела незадоволните навивачи од трибините.

Инаку, навивачите на Атлетико беа најмногу бесни на Антоан Гризман, кој одигра нешто повеќе од половина час во Мадрид.