УНЕСКО ја заштити реге музиката како дел од светското културно наследство

Лесните ритмови и мелодии на реге музиката промовирани од карипските музичари меѓу кои е и Боб Марли, придонесоа за тоа УНЕСКО официјално да ја впише реге музиката во листата на светско културно наследство.
Агенцијата за култура и наука на Обединетите нации ја впиша реге музиката како жанр кој треба да се негува, штити и промовира.
На својот почеток реге музиката се сметала за глас на маргинализираните, но како што поминувало времето така и музиката се промовирала и станала општо признаена и слушана музика во сите слоеви, етникуми, полови и верски групи.
Делегацијата на Јамајка ја пријавила реге музиката за листата на УНЕСКО на состанокот што се одржал на Маврициус, каде што биле разгледувани 40 предлози за додавање на листатa.
Реге музиката е создадена во шеесеттите години од минатиот век од јамајканските ска и рокстеди стилови и била под директно влијание на американските џез и блуз.
Овој музички стил многу брзо се пробил и станал популарен во САД и Велика Британија, каде што имало голем број јамајкански емигранти што се доселиле во годините по завршувањето на Втората светска војна.
Регето често го нарекуваат музика на угнетуваните, а стиховите се занимаваат со општествено-политички прашања и нееднаквоста.

Претходна Забавниот парк Дизниленд во Париз до 2030 година двојно ќе се зголеми
Следна Мазда останува фокусирана на развојот на моторите со внатрешно согорување

Награден напис

Научниците со тврдење дека децата кои повеќе личат на својот татко отколку на нивната мајка се многу поздрави

Најважно за секој родител е неговото дете да биде живо и здраво при раѓањето, а …

Патиките на Мајкл Џордан се продадени за дури 2,2 милиони долари

Патиките на кошаркарската легенда Мајкл Џордан од финалето на НБА во 1998 година, на аукција …

Don`t copy text!