Уличниот ѕвер на Volkswagen со ознака Wimmer Polo R WRC

За љубителите на улични болиди, адресата на тјунинг куќата Wimmer е вистинското место.

Стандардното Volkswagen Polo GTI има 200 ks и вртежен момент од 320 Nm, додека Volkswagen Polo R WRC од дволитрениот турбо бензинец добива 220 ks и вртежен момент од 475 Nm што е сосема доволно за врвно задоволство.

Но, има купувачи што се заинтересирани за дополнително подобрување на овој модел.

За тоа се погрижи тјунинг куќата Wimmer, која од Volkswagen Polo R WRC извлече уште моќ и вртежен момент, дури 420 ks и вртежен момент од 650 Nm.

За ова е заслужен дополнителниот пакет што го нуди куќата, пакет кој за 10.200 евра нуди нов турбополнач, подобрена пумпа за гориво, вбризгувачи, нов всисувачки и издувен систем и репрограмирање на нов ECU. Со имплементација на целиот пакет се добива уличен болид за почит.

Забрзувањето како податок не е објавено, но максималната брзина е 280 km/h.

За дополнителни 1.700 евра се нуди пакет со кој се подобрува бесењето и можност за регулирање на висината и тврдоста.

Севкупно, беспрекорно возило.