Сменското работење може да го наруши здравјето

  •  

Работењето во смени може драматично да го зголеми ризикот од срцеви и мозочни удари, предупредуваат стручњаците.

Студија во која учествувале над два милиони луѓе открива дека работниците кои работат во смени имаат 25 % повеќе шанси да се разболат, а најзагрозени се оние кои работат во ноќни смени.

Луѓето кои работат во смени се склони кон нездрави навики како што е јадење нездрава и неквалитетна храна, недоволно спиење и вежбање, а ова се фактори кои се поврзани со срцеви болести.

Оваа студија е до сега најголемо истражување кое ги поврзува работата во смени и кардиоваскуларните болести, мозочните удари и ангина пекторис.

Одамна е познато дека работењето во смени го нарушува природниот ритам на телото и се поврзува со висок крвен притисок, зголемено ниво на холестерол во крвта и дијабетес, но целосното влијание врз кардиоваскуларното здравје до сега беше нејасно.

Интернационален тим од истражувачи анализирал резултати од 34 студии во кои биле вклучени повеќе од два милиони луѓе. Повеќето од оние кои работеле во ноќни смени, немале јасно одреден распоред на работа, се менувале во повеќе смени и ротирале со смените, имале некаква коронарна болест или преживеале инфаркт. Во истражувањето, за споредба, учествувале и луѓе кои работеле само во дневни смени.

Најзагрозени се оние кои работат во ноќни смени, кај нив ризикот да добијат некоја болест на срцето е поголем за дури 41 %.

Копирањето на содржината е забрането!