Се продава Porsche 911 Carrera RS 2.7 што му припаѓаше на Пол Вокер

На аукција ќе се продава фантастичен примерок на Porsche 911 Carrera RS 2.7 од 1973 година, а посебен е и затоа што му припаѓал на починатиот холивудски актер Пол Вокер.

Поради одличната состојба, како и поврзаноста со Вокер, автомобилот се очекува да достигне рекордна цена на аукција, а вредноста на ова Порше моментално се проценува помеѓу 850.000 и 1.060.000 долари.

Станува збор за модел кој е меѓу најлегендарните, произведен е во март 1973 година како еден од само 1.580 примероци. Обоена е во светло жолта боја, додека телото е украсено со црни детали. Автомобилот помина нешто повеќе од 94.000 километри и беше реставриран од Autobahn Interiors од Сан Диего, Калифорнија. Jerry Woods Enterprises изврши реставрација на погонот, сопирачките и суспензијата. Porsche ги има познатите Fuchs бандажи кои изгледаат совршено како и остатокот од автомобилот.

Специјалното возило на четири тркала ќе се продава со детална документација што ја докажува неговата историја, вклучувајќи ја и FIA сертификатот за учество во трките од Групата 4 и Групата 3 од серијата Туринг.

Овој автомобил без сомнение е ѕвезда на колекцијата на Вокер, кој собрал различни фантастични автомобили. Тој поседуваше неколку примероци на BMW M3, Carrera GT, неколку примероци на Nissan Skyline и многу други автомобили.