Седум нови дисциплини на Зимските олимписки игри во Пекинг 2022 година

Од МОК (Меѓународниот олимписки комитет) излегоа со информација дека на Олимписките игри во Пекинг што ќе се одржат во 2022 година, ќе се воведат седум нови дисциплини.

Извршниот одбор на МОК одобрил во програмата на ЗОИ да се вметнат и женски боб едносед, скокови на голема скокалница во скијање слободен стил за мажи и жени, мешана штафета во брзо лизгање на кратки патеки, како и мешани екипни натпреварувања во скијачки скокови, скијање по грпки и сноуборд крос.

Идејата за додавање на нови дисциплини во програмата на МОК има за цел да се подмладат спортовите, да се внесат новини во спортските дисциплини, и да се постигне рамноправно учество на двата пола во натпреварите.

Застапеноста на спортистките ќе се помести од 41 на 45,44 проценти.

Во 46 дисциплини ќе настапат вкупно 2892 спортисти.