Машки клуб Светот на мажите
Кристијано Роналдо имаше мало учество во победата на Португалија над Швајцарија од 6:1, а и по натпреварот не беше со своите играчи за да го прослави триумфот.
Селекторот на Португалија, Фернандо Сантош направи неочекувана промена пред почетокот на натпреварот и го смести Роналдо на клупата за резерви. На негово место играше младиот напаѓач Гонкало Рамос кој постигна хет-трик.
Роналдо на теренот влезе дури на крајот од играта, кога се беше решено, а очигледно тоа не му се допадна, па тоа го демонстрираше по натпреварот.
Славниот португалски фудбалер не прослави со соиграчите. Во моментите кога сите играчи и членови на стручниот штаб на Португалија тргнаа кон навивачите да ја прослават победата, Роналдо излезе од теренот.
На видеото јасно се гледа дека Роналдо не отишол да даде изјава, ниту дека има оправдување, туку напротив, помина покрај репортерот и влезе во соблекувалната.
Секако, ова е само еден во низата потези на Кристијано Роналдо за кои неодамна беше повикан.
