Редовното јадење риба го намалува ризикот од инфаркт

Редовното консумирање риба е поврзано со намалување на ризикот од срцев удар, утврдиле научици од Харвард во своето клиничко истражување кое е објавено во New England Journal of Medicine.

Позитивниот ефект од јадењето риба бил видлив и кај здрави лица и кај лица кои имале ризик фактори за срцев удар.

Најизразено намалување на ризикот било присутно кај лица кои јаделе риба богата со масти, утврдено е со анализа на податоците за околу 8000 учесници во истражувањето.

Овие резултати истражувачите ги објаснуваат со делувањето на омега-3 масните киселини, кои се познати по тоа што ги намалуваат концентрациите на триглицериди во крвта и го намалуваат ризикот од воспалителни процеси во организмот.

Освен тоа, омега-3 масните киселини го намалуваат и згрутчувањето на крвта и придонесуваат за стабилизација на срцевиот ритам.

Награден напис

Рачно изработени автомобили од дрво

Сите сè уште се сеќаваме на воннаставни активности во форма на модели на авиони и …

Лотус прославува 20 години на моделот Exige со нова, специјална едиција

По повод 20-тиот роденден на спортскиот автомобил Exige, Lotus подготви специјална верзија инспирирана од првиот …

Don`t copy text!