Реал со пораз во Истанбул

Во Истанбул, во натпреварот од петнаесеттото коло на Евро лигата во кошарка помеѓу Реал и Фенербахче, домаќинот ја однесе победата.

Со резултат од 65:63 Фенербахче ја оствари својата единаесетта победа по ред и четиринаесетта во оваа сезона.

Домашните кошаркари одлично го започнаа натпреварот и веќе по првата четвртина имаа десет поени предност, но Реал успеа да се врати во игра и на полувремето резултатот беше 32:32. Пред крајот на натпреварот фенерите имаа разлика од четири поени, која Реал упорно ја достигнуваше.

Победникот беше решен во последните 6,5 секунди со продорот на Луиџи Датоми и изнудувањето на слободни фрлања кои Италијанецот успешно ги реализираше и му донесе на Фенербахче победа.

Домашната екипа ја предводеше Датоме со 17 поени и 7 скокови, а кај гостите се истакна Руди Фернандез со 12 поени.

По завршувањето на натпреварот, Фенербахче и Реал Мадрид ги задржаа првите две позиции на табелата.