Природни лекови за забоболка

За посериозна забоболка потребна е интервенција од стоматолог, но при некои ситни иритации можат да помогнат и природните лекови, како редовно плакнење со солена вода и нанесување ладни облоги.
Ако симптомите траат подолго од ден или два, треба да посетите стоматолог.

Солена вода

Солената вода е природно средство за дезинфекција и може да помогне да се „олабават“ честичките од храната и остатоците кои можат да се заглават меѓу забите.
Измешајте 1/2 лажичка сол во чаша топла вода и користете ја како миење на устата.

Плакнење со водород пероксид

Плакнењето со водород пероксид може да помогне во ублажување на болката и воспалението. Освен што ги убива бактериите, водород пероксидот може да го намали плакот и да го залечи крварењето на непцата.
Измешајте 3 проценти водород пероксид со еднакви делови вода и користете го како средство за плакнење уста. Не го голтајте.

Ладна облога

Користете ладна облога за да ја ублажите болката, особено ако некоја траума ја предизвикала забоболката. Ладна облога предизвикува стеснување на крвните садови, што ја намалува болката. Исто така го намалува отокот и воспалението.

Ќесички чај од нане

Ќесичките чај од нане може да се користат за затапување на болката и смирување на чувствителните непца. Искористената кесичка чај оставете ја малку да се излади пред да ја нанесете на погодената област. Кесичката чај треба да биде топла.
Овој метод можете да го користите и за ладење. Искористената кесичка чај ставете ја во замрзнувач неколку минути да се излади, а потоа нанесете ја кесичката на забот.

Лук

Со илјадници години, лукот е препознаен и користен поради неговите лековити својства. Не само што ги убива бактериите, туку делува и против болка. За да користите лук за забоболка, здробете чешне лук за да направите паста и нанесете го на погодената област. Алтернативно, можете полека да џвакате чешне свеж лук.

Екстракт од ванила

Екстрактот од ванила содржи алкохол, кој може да помогне во ублажување на болката. Само не заборавајте да користите вистинска ванила, а не имитација. Нанесете мала количина екстракт од ванила на прстот или на памук и ставете директно на заболеното место неколку пати на ден.

Претходна За првпат трофеј од Вимблдон и за Кенија
Следна Ѓоковиќ го освои седмиот Вимблдон и стигна до својата 21 Грен слем титула

Награден напис

Што точно се случува со телото на човекот откако ќе умре?

Сигурно барем еднаш сте се запрашале што се случува со човечкото тело откако ќе умре? …

Rolls-Royce Cullinan од Carlex Design

Carlex Design е тјунинг компанија која главно зазема нетрадиционален пристап кон редизајнирање на луксузни и …

Забрането е копирање на текст!