По која патека “вози” Себастијан Фетел

Директорот на Ред Бул, Кристијан Хорнер, ја отфрли можноста Себастијан Фетел да прејде во тимот.

Иако сè уште ја нема изгубено поддршката од управата на Ферари, Фетел не ги живее своите најсветли моменти.

Големата криза во која се наоѓа четирикратниот светски првак и понатаму претставува една од главните теми во светот на елитното автомобилско натпреварување, а откако несреќно се удри во задниот дел од болидот на Макс Верстапен во Силверстон, се актуелизираше најавата за неговото заминување од Ферари, каде што вози за плата од 45 милиони долари.

Иако Фетел има договор со Ферари и за следната сезона, тоа не му гарантира дека и ќе го задржат.

Евентуалното негово преоѓање во Ред Бул повеќе не е опција, откако од управата на “биковите” ја исклучија таа можност.

Добра вест за Фетел е што сè уште ја има поддршката на управата на Ферари.

“Верувам дека Фетел е среќен овде со нас. Би биле посреќни тој да почне повторно да победува и да има побрз болид, но гледам дека тој сè уште има голема желба да се искачи на врвот. Негов сон е тоа да го направи со Ферари и не се сомневам дека ќе успее”, нагласува Матија Биното од Ферари.

Сега за сега Фетел е сигурен, но ако продолжи со лошото возење може да го снајде судбината на Кими Раиконен или уште полошо, во потполност да го загуби местото во Формула 1.

Претходна Успеа ли Зидан да го објасни проблемот со Герет Бејл?
Следна Трчањето може да ви го продолжи животот и до шест години

Награден напис

Ви го претставуваме Мекларен Сејбр со моќност од 824 коњски сили, помоќен од моделот Сена

Неодамна објавените шпионски фотографии, како и оние што „протекоа“ во јавноста, беа најава за претстојното …

Мазепин може да остане без болидот во Хас

Рускиот возач во Формула 1, Никита Мазепин, кој е потврден како нов возач на Хаас …

Забрането е копирање на текст!