Порше ја „оживеа“ Сали Карера од филмот „Cars“

Порше го претстави својот нов одличен проект, а тоа е уникатниот модел Sally Special.

„Cars“ на Дизни и Пиксар се појавија во кината во 2006 година, но производството започна многу порано. Дизајнерот Боб Поли за прв пат создаде скица на женски лик на Сали Карера во 2002 година, а како што сугерира нејзиното „презиме“, Сали е базирана на 911 Карера на Порше. Како што е познато, Porsche 911 Carrera од 2002 година е дел од генерацијата 996.

Меѓутоа, сега Porsche ја „оживеа“ Сали Карера со производство на моделот Sally Special. Овој модел е базиран на Carrera GTS и содржи елементи од помодерната серија 992, но со додавање на одредени дизајнерски карактеристики од генерацијата 996. Тие вклучуваат сребрени рамки на светлата, задни значки, тркала со пет краци и слично. Се разбира, Sally Special нема големи очи и уста наместо шофершајбна и предна решетка, ниту пак Бони Хант му дава глас на системот за навигација.

Сепак, автомобилот е обоен во препознатливата Sally Blue Metallic боја која бара рачно нанесување. Оваа боја ги краси и дополнителните површини како предната и задната табла и капакот на моторот, кои се делови што Porsche вообичаено ги остава во црна боја во случајот со Carrera GTS.

Задниот спојлер за подигнување има налепница што одговара на тетоважата на Сали.

Внатрешноста е украсена и со некои уникатни детали во споменатата боја, седиштата се делумно покриени со специјална ткаенина како и панелите на вратите, а кожата во боја на креда прави контраст со тој материјал. Споменатата Sally Blue Metallic боја е присутна на контролната табла, централната конзола и панелите на вратите.

Sally Special е придвижуван од 3,0-литарски твин-турбо мотор со 6 цилиндри кој развива 473 КС и 569 Nm вртежен момент, поврзан со седумстепен мануелен менувач.

Кога станува збор за бандажи, тоа е уникатен комплет турбо бандажи кои може да се најдат и кај моделот 996 од генерацијата 911. Има тркала од 20 инчи со пет краци напред и 21-инчни тркала во задниот дел.

Претходна Volkswagen патентираше пикап верзија на моделот ID. Buzz
Следна Роботите во форма на змија би можеле да се користат во операции за спасување животи

Награден напис

Археолозите ја пронајдоа досега најстрашната гробница во Египет

Археолозите неодамна јужно од Каиро открија гробница стара 2.500 години, исполнета со бројни магични изреки …

Carlex претстави одличен рестомод проект заснован на BMW Серија 6

Полската компанија Carlex Design ќе понуди обновено и изменето издание на еден од најубавите модели …

Don`t copy text!