Поради кралицата Елизабета, УЕФА направи преседан среде натпревар од Лига Европа

Европската фудбалска федерација (УЕФА) направи преседан за британската кралица Елизабета Втора, која почина вчера на 96-годишна возраст.

Имено, Би-Би-Си ја објави веста за смртта на кралицата на натпреварот на Арсенал во Лига Европа на гостувањето кај швајцарскиот шампион Цирих, а фудбалерите токму во тој момент беа во соблекувалната на полувремето.

Тогаш беше направен преседан, бидејќи УЕФА дозволи едноминутно молчење на средината на натпреварот.

Фудбалерите на двата тима застанаа во центарот на теренот, а на семафорот се појави графика со фотографија од кралицата.
„Во спомен на нејзиното височество кралицата Елизабета 1926 – 2022 година“, стои во описот покрај фотографијата.

Инаку, Арсенал победи со резултат 2:1. „Топчиите“ поведоа со голот на Маркињос во 16. минута, Цирих израмни преку Криезиу во 44. минута, а Нкетиах во 62. минута постигна гол за лондонскиот тим.

Во вториот натпревар од оваа група од Европската лига, ПСВ и Бодо/Глимт одиграа 1:1 во Ајндховен.