Нуркачите пронајдоа остатоци од американски воен брод од Првата светска војна

Објавени се неверојатни снимки од остатоците на американски воен брод од Првата светска војна, откако тој беше снимен на длабочина од повеќе од 100 метри од Корнвол, Англија, и пронајден од англиски нуркачи.

Станува збор за остатоците од бродот УСС Џејкоб Џонс, кој е пронајден 105 години по потонувањето. Тогаш загинаа 66 членови на екипажот, а бродот потона откако беше погоден од торпедо од германска подморница на 6 декември 1917 година.

Дом Робинсон беше дел од Team Darkstar и рече дека пронаоѓањето на руина како оваа е „сон на секој нуркач“.

УСС Џејкоб Џонс се наоѓа на длабочина од нешто повеќе од 100 метри, а е пронајден на 11 август. Некои од неговите делови се сè уште недопрени, како што се ѕвоното, котелот и цевките за торпедо.

Робинсон рече дека тимот го планирал патувањето повеќе од една година, а сега се разговара и со американската амбасада што ќе се случува во следниот период.

„Откривањето на бродот и посмртните останки на оние кои загинаа пред повеќе од еден век е во срцето на американската Комисија за споменици, која сака да ги зачува спомените на нашите исчезнати, како и нивното наследство. Дури и по 100 години, не заборавивме дека се жртвуваа за слободата“, се вели во соопштението од гореспоменатата комисија.

Претходна Clean Bandit – Symphony (feat. Zara Larsson)
Следна Hennessey го претставува Venom F5 Roadster, „најбрзиот кабриолет во светот“

Награден напис

Мундијалот заврши за дефанзивецот на Баерн

Лукас Ернандез го заврши настапот на Светското првенство во Катар, откако се здоби со повреда …

Илон Маск годинава загуби 100 милијарди долари, но сепак е најбогатиот човек на светот

Нето богатството на Илон Маск според Форбс, падна на околу 195,6 милијарди долари. Нето вредноста …

Забрането е копирање на текст!