Норвешки фјордови: освежување за долгите летни денови

Летото е идеално време за посета на фјордовите. Температурите се пријатни за пловење, сонцето не е премногу силно, а свежите вечери гарантираат длабок и оживувачки сон по цел ден уживање во прекрасната природа. Ако се земе во предвид природната убавина која несомнено ја има Норвешка и на тоа се додаде завидната економско-социјална ситуација која владее во таа земја, малкумина се оние кои не би посакале да бидат исто како Норвежаните. Во секој случај, Норвешка е прекрасна земја, а она што го засилува тој впечаток е одговорноста со која Норвежаните се однесуваат кон таа убавина.

Во некои антички времиња, тоа се одразувало во населувањето на најоддалечените делови на дивината, а денес во внимателниот однос кон градовите. Иако овие градови се навистина убави, нивните жители секогаш прават нешто, ги освежуваат, смислуваат како да ги направат подобри, а тоа ќе го видите на секој чекор доколку дојдете во Осло, Берген, Трондхајм, Ставангер или на кое било друго место. Но, Норвежаните сепак се „луѓе на природата и земјата“, а еден од најпознатите Норвежани, Хенрик Ибзен, дал своевидна инструкција како најдобро да се разберат Норвежаните – неопходно е да се „разбере“ магичната, а понекогаш и суровата природа.

Фјордовите се секако еден од симболите на таа земја и најдобар начин да се запознаете што е типично и карактеристично за неа. Навистина е тешко да се опише природната убавина на тие кроеви. Стрмните карпести ѕидови паѓаат во морето, често разубавувани со водопади. Во близина можете да најдете и некои фарми кои прилично убаво и ненаметливо се вклопуваат во пејзажот. Некои од фјордовите, како што е, на пример, Geirangerfjorden, се вклучени во списокот на светско наследство на УНЕСКО. Овој фјорд со комплицирано име се гордее и со најубавите водопади – Седумте сестри и Невестинскиот превез.
Најголемиот европски глечер – Jostedalsbreen, исто така се наоѓа во Норвешка. Контрастот на мразот и смарагд зелената вода нуди навистина незаборавно искуство.

Претходна Nossa – Mas Que Nada
Следна Таблети за контрацепција за мажи?

Награден напис

Што точно се случува со телото на човекот откако ќе умре?

Сигурно барем еднаш сте се запрашале што се случува со човечкото тело откако ќе умре? …

Rolls-Royce Cullinan од Carlex Design

Carlex Design е тјунинг компанија која главно зазема нетрадиционален пристап кон редизајнирање на луксузни и …

Забрането е копирање на текст!