Норвешка го доби најголемиот подводен ресторан на светот

“Under” е најголемиот подводен ресторан на светот, може да прими 100 гости и е прв ресторан од таков тип во Европа. Изграден е во ладните води на северен Атлантик, во местото Линдеснес, Норвешка.

Дизајнот на ресторанот е многу специфичен: едната половина од него е под вода, а другата половина над вода. Дизајниран e така што комплетно се вклопува во природната околина.

Дизајнерите на внатрешноста воделе сметка материјалите да го отсликуваат целокупниот дизајн на ресторанот. Користени се цврсти материјали.

“Under” ја нагласува коегзистенцијата на животот во вода и на земја.