На Долни Сарај ќе ги свират безвременските хитови на „Пинк Флојд“

Вечер на сцената кај Долни Сарај во Охрид во Охрид единаесет музичари од Охрид и Струга ќе одржат концерт со хитови на светски познатата рок група „Пинк Флојд“.
Проектот е насловен „NUMB Tribute to Pink Floyd“, а учесници ќе бидат Димитри Алчев (гитара и вокал), Анатоли Арнаудоски (гитара), Ѓорѓи Калајџиевски (тапани), Владомир Кречоски (бас гитара), Никола Јосифоски (сајзери), Ангелко Јовчески (перкусии), Горан Папазоски (саксофон), Ѓоко Танески (вокал) и Ана Костадиновска, Сара Николовска и Весна Илиќ Павловска како пратечки вокали.
Концертот е подготвуван неколку месеци. Ќе се изведат безвременски хитови како „Shine on your crazy diamond“, „Learning to fly“, „Hey you“, „Another brick in the wall“.
„Пинк Флојд“ е една од највлијателните и најуспешни рок-групи на сите времиња.