Најдобрите години од животот

Генерално секоја година од животот си има и добра и лоша страна и треба подеднакво да се цени и пази. Луѓето знаат да ги генерализираат работите, па така со време почнуваме животот да го делиме на добра и лоша доба, или да се прашуваме која животна доба е најдобра, во која доба сме најсреќни.
Има најразлични мислења за тоа кое време од животот е најдобро.
Ако се земе предвид мислењето на научниците, ќе добиеме одговор дека две години се дефинираат како најдобри години во животот.
Во истражување спроведено во Германија на 23.000 испитаници на возраст од 17-85 години, научниците пробале да добијат одговор на прашањето – на кои години луѓето се најсреќни.
Истражувачите ги прашувале испитаниците колку се задоволни од животот во моментот и што мислат – колку ќе бидат задоволни за пет години.
Резултатите кои биле добиени покажале дека среќата ја следи линијата во форма на латиничната буква U. Врвот на среќата бил на 23 години, а следниот врв се покажал на 69 години.
Значи, не очајувајте ако сте постари од 23 години, имате уште една шанса да бидете среќни.