Најголемиот автомобилски собир во историјата организиран од возачите на Субару автомобили

Еден од најдобрите начини да се почитуваат препораките за физичко дистанцирање е да користите сопствен автомобил, а сепак ограничувањата не значат дека не можете да се забавувате. Интересна и многу корисна идеја реализираа возачите на автомобили Субару во Америка.

Идејата на возачите на Субару беше да постават светски рекорд за најголем собир на возила од оваа јапонска марка, но и да соберат пари за добротворни цели.

Subaru Tecnica International (STI) Subiefest и Subaru America потврдија дека собирањето на 1.751 автомобил е нов светски рекорд што го надмина оној од 2015 година, кога имаше 549 автомобили на собирот.

Гинисовиот рекорд беше поставен на годишниот собир организиран во САД и наместо да се состанат лице в лице, учесниците формираа големи линии со своите автомобили со цел да ги почитуваат мерките воведени поради пандемијата на корона вирусот.

Секој учесник придонесе со донација за „Feeding America“, а „Субару Америка“ ќе донира еднаква сума. Благодарение на собирот на возачи на Субару, ќе бидат обезбедени околу 500.000 оброци.

“Во ова време на предизвици, ние бараме стабилност во животот. Се надеваме дека оваа донација ќе обезбеди оброци за луѓето кои се гладни во Америка. Ние мора да останеме безбедни и да запомниме дека треба да им помагаме на другите секогаш кога можеме”, рече Алан Бетке, потпретседател за маркетинг во Субару Америка.

Награден напис

Samsung претстави уште поевтин смартфон со 5G

Samsung го претстави смартфонот Galaxy A42 5G, најновиот уред во својата палета на прифатлива серија …

Хонда го прошири опсегот на опционална опрема за редизајнираниот Civic Type R

Понатамошно рафинирање на еден од најбрзите спортски автомобили со погон на предните тркала вклучува и …

Забрането е копирање на текст!