Најбрзиот електричен глисер во светот

American Vision Marine Technologies се пофали со светски рекорд во брзина на пловење на електричен погон. Нивниот глисер од 32 стапки речиси ги достигна некогашните недостижни 100 јазли.

Американскиот производител на пловни објекти за одмор, Vision Marine Technologies, во соработка со компанијата Hellkat Powerboats, создадоа електричен глисер V32 и го соборија светскиот брзински рекорд за пловни објекти напојувани со електрични мотори. V32 е, како што сугерира ознаката, долг 32 стапки (9,75 метри), а неговиот труп е во облик на катамаран, дизајниран да смести батерии за моќни електрични надворешни мотори E-Motion од 2×180 КС.

Главната цел на изработката на целиот глисер беше да се собори брзинскиот рекорд, а тој падна пред неколку дена, на 28 август. На езерата Озарк, професионалниот пилот на глисер Шон Торенте постигна брзина до 175 km/h, или речиси 100 јазли, со моделот V32. Ова значително го надмина претходниот рекорд, кој го држеше Jaguar Vector V20E од 2018 година и изнесуваше 142,5 km/h.

„Работевме напорно за да го оптимизираме електричниот мотор, 700-волтните батерии и колото за ладење, хардверот и софтверот, односно сето она што беше неопходно за овој успех на нашата компанија, како лидер во индустријата за електрични погони за пловни објекти“, изјавија техничките и оперативниот директор Висин Маринеа, Ксавиер Монтањ.

Претходна Нова Каледонија – француски колонијален рај
Следна Porsche Tequipment претстави покривен шатор за две лица

Награден напис

НБА екипа на продажба

Професионалниот кошаркарски тим во НБА, Феникс Санс лани играше во големото финале на плеј-офот и …

Volkswagen ID Buzz Cargo ја освои наградата за комбе на годината за 2023 година

На Volkswagen ID Buzz Cargo му беше доделена престижната индустриска награда „Меѓународно комбе на годината …

Забрането е копирање на текст!