Мистериозно кинеско летало

Кинеското вселенско летало без екипаж се врати на Земјата откако помина 276 дена во орбитата.

Кинеската новинска агенција Ксинхуа објави дека „експерименталното“ вселенско летало се вратило во центарот за лансирање на сателити Џиукван во северозападниот дел на земјата, една од трите бази за вселенско лансирање во Кина.

Мисијата во орбитата траеше девет месеци и се врати дома според планираното. Наводно, постигнат е важен напредок во истражувањето на Кина за вселенски технологии за повеќекратна употреба. Истражувањето ќе обезбеди „попрактични и поприфатливи методи на повратно патување за мирно користење на просторот во иднина“.

Нема детали за леталото и тестираните технологии, како и информации за висината и орбитата на летот. Исто така, фотографиите не се објавени. Леталото е во вселената од август 2022 година.

South China Morning Post пишува дека „некои се сомневаат дека може да се користи за собирање разузнавачки информации“.

Во 2021 година, слично вселенско летало патувало до работ на вселената и се вратило на Земјата истиот ден. И таа мисија била тајна, а леталото слетало „хоризонтално“.

На кинеските социјални мрежи се шпекулира дека Пекинг развива вселенско летало слично на вселенскиот авион X-37B на американските воздухопловни сили, кој може да остане во орбитата со месеци.

X-37B се врати на Земјата во мисија без екипаж во ноември минатата година, вкупно шеста мисија. Тој помина повеќе од 900 дена во орбитата.

Претходна Чаша полна здравје
Следна Mercedes-Benz Sprinter трансформиран во луксузна канцеларија

Награден напис

Evanescence – Bring Me To Life 

Уживајте во прекрасната музика на нашиот портал и на нашето ново интернет радио. Слушајте музика …

YouTube тестира четбот кој ќе се појавува под клиповите

Видео сервисот YouTube спроведува експеримент кој вклучува нов четбот дизајниран да им обезбеди на корисниците …

Don`t copy text!