Кинезите се претставија со уште едно технолошко чудо

Кинезите не престануваат да изненадуваат со нивните техничко-технолошки достигнувања. Секојдневно сме сведоци на најневеројатни подвизи што ги постигнува кинеската индустрија.

Едно од тие достигнувања е тунел што кинеските градители го изградија на неверојатна висина од 4 750 метри, на Тибетанската планина Мила.

Имено, станува збор за тунел кој е дел од автопатот со должина од 400 километри и го поврзува регионалниот главен град Ласа со југоисточниот дел на Тибет. Тунелот со кој се скратува патувањето за 12,3 километри и воедно го прави патот побезбеден, е со должина од 5,7 километри.

Според одговорниот за изградбата на тунелот, при неговото градење постигнати се дури 10 технолошки подвизи, а еден од нив е пробивање на тунелот во екстремно ладни услови и на екстремна висина. При градењето, 2000 работници се соочиле со многу предизвици од кои екстремниот студ и недостатокот на кислород биле најголеми.

Конструкцијата на тунелот беше почната во 2015 година, а заврши оваа година и официјално за сообраќај беше пуштен во петокот, на 26 април.

Погледнете ги сликите и видеото за процесот на градење на неверојатниот тунел.