Зошто треба да внесуваме магнезиум

Човечкото тело содржи околу 25 гр магнезиум, од кои 50-60% се складирани во скелетниот систем. Остатокот се наоѓа во мускулите, меките ткива и во телесните течности. Магнезиумот учествува во над 300 ензимски процеси во телото, вклучувајќи го метаболизот на храната, синтезата на масните киселини и протеините, и во пренесувањето на нервните импулси. Тој е еден од седумте есенцијални макроминерали кои треба да ги внесуваме во телото во количини поголеми од 100 мг на ден.

Кои се бенефитите кои ги има организмот од внесување на доволни количини на магнезиум?

  • Ја подобрува апсорпцијата на калциумот во коските, со што се одржува густината на коските и се превенира развој на остеопороза
  • Игра важна улога во активирањето на витаминот Д во бубрезите, кој е исто така важен за здравјето на коските
  • Го намалува ризикот од дијабетес
  • Го одржува здравјето на мускулите, вклучувајќи го и срцевиот мускул, со што се намалува ризикот од висок крвен притисок и атеросклероза
  • Ги намалува мигренозните главоболки
  • Во комбинација со витаминот Б6 ги намалува симптомите на предменструалниот синдром (несоница, отекување на нозете, осетливост на градите, зголемување на телесната тежина)
  • Позитивно влијае во намалувањето на анскиозноста
  • Кога се внесува заедно со витаминот Б6 го подобрува спиењето и влијае смирувачки на психата.

Најдобри извори на магнезиум се сончогледот, бадемите, сусамот, спанаќот, кафеавиот ориз, гравот, индиските ореви, а во помали количини се содржи и во лебот од цело зрно, кравјото млеко, бананата, брокулата, путерот од кикирики.

Препорачаната дневна доза на магнезиум за возрасни изнесува од 300-420 мг на ден, а за деца, зависно од возраста, меѓу 80 и 240 мг дневно.

Претходна Mini John Cooper Works GP -најјакиот и најбрзиот Мини
Следна Помалку познати работи за стриптизот раскажани од стриптизетите

Награден напис

Храна која особено лошо влијае на работата на цревата

Проблемите со цревата може да се појават на многу различни начини. Гасови, надуеност, запек, дијареа …

Научниците ја открија совршената формула која ќе ви помогне да се разбудите одморени и освежени

Дали често се будите поспани и млитави, и без разлика колку долго сте спиеле, сепак …

Don`t copy text!