Започна 26-тото Светско ракометно првенство со победа на Германија над обединетиот тим на Северна и Јужна Кореја

Започна 26-тото Светско ракометно првенство со победа на репрезентацијата на Германија над обединетиот тим на Северна и Јужна Кореја со резултат 30:19.

Светското првенство ќе се игра во Германија и Данска во периодот од 10-27 јануари.

Специфично за ова Светско првенство е тоа што за прв пат Северна и Јужна Кореја имаат заеднички тим.

Германците во првиот натпревар од првенството одиграа одлично. Понесени од поддршката од трибините и големата желба да дојдат до сигурна предност за понатаму, имаа серија од 3 гола. На полувреме двете екипи заминаа со резултат од 17:10. Дека Германците нема да имаат проблеми беше јасно уште на самиот почеток од второто полувреме кога имаа серија од 4 гола и постигнаа огромна разлика од 11 гола кои ги зачуваа до крајот на натпреварот.

За репрезентацијата на Германија најмногу голови постигна Геншмаер (7), додека за Кореја по 4 погодоци имаа Тан Канг и Донг-Хин Парк.