Желбата да го имате технолошкото чудо Apple Mac Pro – ќе ве чини над 33 000 долари

Епл соопшти дека за новиот Mac Pro ќе треба да издвоите 6 000 долари, но на сите им е јасно дека  доколку сакаат машина која ќе ја извршува работата за која е наменет, ќе треба да одвојат многу повеќе од тоа.

Новинарите на специјализираната интернет-страница наменета за технологија “The Verge”, си поиграа со можните конфигурации на Mac Pro и дојдоа до заклучок дека за да добие апсолутен минимум на професионална графичка станица, потребни се најмалку 33 720 долари, и тоа без да се вкалкулираат четири графички процесорски единици кои ја зголемуваат цената до 45 000 долари.

За таа сума видеомонтажерите и други креативци добиваат многу моќ, и тоа Intel Xeon W процесор со 28 јадра кои работат на 2.8 ghz, речиси невозможни 1,5 терабајти рам меморија, 4 терабајти SSD внатрешна меморија и четири AMD Radeon Pro Vega II Duo GPU единици.

Ако на ова се додаде и Pro Display XDR монитор и Pro Stand држач, комбинацијата достигнува неверојатни 50 000 долари.

Многу моќ за многу пари, но професионалноста не прифаќа компромиси.