Електричната Г-класа на Mercedes ќе пристигне во 2024 година

Откако уште во 2019 година го најави пристигнувањето на електричната класа G, компанијата Mercedes-Benz сега тврди дека овој модел на пазарот ќе пристигне во 2024 година.

Извршниот директор на Мерцедес, Ола Калениус, пред претставниците на медиумите изјави дека електричната класа G ќе пристигне до крајот на 2024 година, пишува Autoblog. Компанијата најави електрична верзија на легендарниот SUV уште во 2019 година, а минатата година го видовме концептот EQG.

Исто така, минатата есен, Калениус возеше прототип во тест центарот на Мерцедес во Грац, Австрија, каде што компанијата вообичаено ја тестира класата G со конвенционален погон. Се чини дека искуството беше позитивно.

Електричната верзија е клучна за долгорочно одржување на Г-класата, а Mercedes-Benz планира да ја исполни својата цел за 2030 година да продава само електрични возила.