Во следниот филм Џемс Бонд ќе вози електричен Aston Martin

Според информациите споделени од англискиот The Guardian, следниот автомобил кој ќе го вози тајниот агент Џемс Бонд ќе биде Aston Martin Rapid E.

Главната улога повторно ќе ја има Даниел Крег и според актуелните планови прикажувањето на филмот е закажано за април 2020 година.

Бондовиот Rapid E ќе биде еден од само 155 произведени примероци од спортскиот автомобил. Цената ќе биде 250.000 фунти, а во салоните се очекува во четвртиот квартал на оваа година.

Aston Martin Rapid E е опремен со батерија од 65 kw/h која му овозможува автономија од 320 километри. Ќе го движат два мотори кои испорачуваат 600 ks и 950 Nm, а од 0-100 km/h забрзува за само 4 секунди, и постигнува максимална брзина од 250 km/h.