Вечерва на Марс се спушта сондата Insight

Во 21 часот вечерва (26.11.2018) по наше време, сондата на НАСА, Insight, ќе се спушти на црвената планета. Тоа е финалето од седуммесечното патување на кое сондата помина 487.773.006 километри, движејки се со брзина од 10.000 километри на час.
Овој проект припаѓа на гранката на НАСА JPL (Jet Propolsion Laboratory), и таа ќе биде одговорна и ќе го следи спуштањето на сондата со помош на падобран и ракета за успорување.
Тоа е првата мисија на Марс која ќе има за задача да ги истражи неговите длабочини.
По слетувањето, роботската рака од сондата ќе треба да ги постави сите инструментите потребни за истражување, за да може да се започне со испитување.
Сондата ќе им помогне на научниците да направат детална мапа на внатрешноста на Марс. Поради тоа што нема тркала и механизам за движење, сондата ќе оперира на местото каде што ќе се приземји.
Поедини инструменти ќе копаат до 5 метри во длабочина, а првите 3D снимки ќе бидат направени неколку минути по слетувањето.
Се планира мисијата да трае 2 години, но ако работата се одвива без проблеми може да се продолжи и понатаму.
Insight сондата има вграден чип на кој се запишани 2,5 милиони имиња на Земјани.

Претходна Лансирање на ракета снимено од вселената
Следна BMW M2 Competition со 550 коњски сили

Награден напис

Твитер лансира нови функции: Твитови кои исчезнуваат по 24 часа

Твитер ги прошири своите можности и лансираше нова опција fleets, а тоа се твитови кои …

Oppo ги претстави новите очила AR Glass

Oppo претстави подобрена верзија на своите очила AR Glass.Првиот модел имаше специфичен дизајн за VR …

Забрането е копирање на текст!