Машки клуб Светот на мажите
Бен Афлек и Мет Дејмон планираат да основаат компанија за филмска продукција наречена „Artists Equity“.
Тие изјавија дека се решиле на овој чекор бидејќи популарните стриминг сервиси одбиваат да ги споделат парите заработени од популарните филмови. Нивната компанија ќе биде независна, а досега собраа 100 милиони долари од инвестициската фирма RedBird Capital Partners.
„Сценаристите, режисерите, кинематограферите, монтажерите и другите филмски работници, според мене, се недоволно платени. Знам каква слобода копнеат уметниците и сакам да им помогнам“, рекол Афлек, според NY TIMES.
Афлек ќе биде извршен директор, а Дејмон ќе биде креативен директор. Во текот на нивните 30-годишни кариери, двајцата заработија приближно 10 милијарди долари на глобалниот бокс офис.
