Астон Мартин го презентираше новиот хиперавтомобил со име Валхала

Астон Мартин Валхала е полното име на хиперавтомобилот произведен од познатиот британски бренд на автомобили.

Името е позајмено од нордиската митологија и претставува место каде што одат воините после смртта. Ова митско име го замени работниот назив AM-RB 003.

Валхала ќе има V6 мотор со турбо полнач и хибриден систем, и се очекува да има моќност од 1000 коњски сили.

“Имињата на нашите автомобили секогаш привлекуваат големо влијание. Тоа е затоа што делуваат на емоциите и раскажуваат приказна. По моделот Валкири, знаевме дека Валхала мора да има своја препознатливост и влијание. Нордиската митологија содржи моќен јазик и богата е со приказни”, изјави шефот на Астон Мартин, Енди Палмер.

Валхала е резултат на соработката помеѓу Астон Мартин и Ред Бул Адванст Технолоџис, а помогна и познатиот инженер од Формула 1, Едриан Њуи. Валхала ќе има тежина од 1350 килограми.

Ќе биде произведен во само 500 примероци и ќе има цена од околу 1 милион евра.

Претходна Карактеристики кои мажите ги обожаваат кај жените
Следна Ford Shelby Mustang GT 500 со 760 коњски сили

Награден напис

Маестралниот Верстапен славеше во Мајами

Холандскиот возач Макс Верстапен славеше на Големата награда на Мајами во петтата трка од сезоната …

Audi RS7 од Power Division забрзува подобро од Veyron

Сегашниот Audi RS7 Sportback послужи како основа за еден од последните екстремни проекти на полската …

Don`t copy text!