Актуелниот првак во Формула 1 го купи својот втор пентхаус на Менхетен

Возачот на Мерцедес и актуелен првак во Формула 1 Луис Хамилтон, го купи својот втор пентхаус на Менхетен.
Триесет и четиригодишниот Хамилтон својата листа на недвижности ја збогати со посед од 36 милиони долари.
Се наоѓа во комплекс кој е познат меѓу славните и богати личности и на само еден блок подалеку од претходниот пентхаус што го купи во 2017 година.
Новиот пентхаус на Хамилтон има четири спални соби и поглед на реката Хадсон. Дел од станот има библиотека, а во моментите кога не му се чита може да се релаксира во базен.
Хамилтон е на листата на најтрофејни возачи во Формула 1 на сите времиња. Има 5 титули, колку и Фанѓо, а пред него е само Михаел Шумахер со 7 титули.